Nikolaj notaði kerru til að komast ferða sinna eftir leikinn í gær.
Óvíst er hvort danski framherjinn Nikolaj Hansen verði með Val gegn Fjölni í fyrstu umferð Pepsi-deildarinnar á sunnudag.
Nikolaj tognaði á ökkla í sigri Vals á FH í Meistarakeppni KSÍ í gær og var borinn af velli.
Nikolaj tognaði á ökkla í sigri Vals á FH í Meistarakeppni KSÍ í gær og var borinn af velli.
„Hann er gjörsamlega óskrifað blað. Miðað við að þetta gerðist í gær þá er hann mjög tæpur væntanlega fyrir sunnudaginn," sagði Sigurbjörn Hreiðarsson aðstoðarþjálfari Vals í samtali við Fótbolta.net í dag.
„Hann tognaði í gær og menn héldu að þetta yrði mjög slæmt. Í morgun var Jói (Jóhannes Már Marteinsson) sjúkraþjálfari hins vegar frekar bjartsýnn," bætti Sigurbjörn við.
Nikolaj kom til Vals í vetur en hann kom til félagsins frá FC Vestsjælland í Danmörku.
Athugasemdir
