Pepe bendir á að Neymar, sóknarmaður Barcelona, hafi fengið fleiri spjöld á þessu tímabili.

Pepe fékk 10 leikja bann 2008-09 eftir að hafa traðkað á leikmanni Getafe og þá hefur hann fangað fyrirsagnirnar fyrir hegðun sína í leikjum gegn Barcelona oftar en einu sinni.

Miðvörðurinn portúgalski fékk fimm gul spjöld á síðasta tímabili en Neymar sex og telur að orðspor sitt sé ekki sanngjarnt.

„Fólk getur sagt það sem það vill en staðreyndin er sú að Neymar hefur fengið fleiri áminningar en ég. Real Madrid er fyrirmyndarfélag og ég ætti ekki möguleika á að spila fyrir það svona lengi ef ég væri skapofsamaður og ofbeldisfullur," segir Pepe.

Pepe hefur verið hjá Real Madrid í níu ár, síðan hann kom frá Porto 2007.