„Time for Change" er yfirskrift þessara mótmæla og eiga þau að fara fram í heimaleiknum gegn Norwich næsta laugardag.

Áhorfendur eru hvattir til að mæta með veggspjöld þar sem kallað er eftir því að félagið fari í endurskoðun. Halda á veggspjöldunum uppi eftir tólf mínútur, á 78. mínútu og eftir leikinn. Tólf ár eru síðan Arsenal vann deildina.

Í yfirlýsingu segir að það eigi ekki að láta mótmælin hafa áhrif á leikmenn og því verða engin læti fyrr en eftir leikinn, fram að því verði liðið hvatt til dáða.

Arsenal hefur ekki náð góðum úrslitum að undanförnu og dottið út úr titilmöguleikanum. Nú er hætta á að liðið detti út úr topp fjórum og missi af Meistaradeildarsæti. Gríðarleg pressa hefur myndast á knattspyrnustjórann Arsene Wenger og fjölgar sífellt í þeim hópi sem vill fá hann burt. Reiðin beinist einnig að eigandanum Stan Kroenke og stjórnarháttum félagsins.

Time For Change: Your chance to make your voice heard on Sat if you're unhappy with Arsenal https://t.co/rw3lcC8TXK pic.twitter.com/1kVwOHiOyV

— Kevin Whitcher (@KevinWhitcher01) April 26, 2016