Þeir 96 stuðningsmenn Liverpool sem létust í Hillsborough slysinu árið 1989 létust vegna mistaka hjá lögreglu. Þetta var staðfest í réttarhöldum í dag.

96 stuðningsmenn Liverpool létust eftir troðning á Hillsborough leikvanginum á leik Liverpool og Nottingham Forest í undanúrslitum enska bikarsins.

Eftir leik voru stuðningsmenn Liverpool sakaðir um að hafa troðist inn í stúkuna með þeim hörmulegu afleiðingum að fólk tróðst undir.

Fjölskyldur fórnarlamba slyssins og margir aðrir hafa barist fyrir því í áraraðir að réttlætinu verði fullnægt og að sannleikurinn komi í ljós.