Louis van Gaal.
Louis van Gaal, stjóri Manchester United er allt annað en ánægður með búningsklefana sem er boðið upp á í ensku úrvalsdeildinni. Mörg félög á Englandi láta gestaliðið fá búningsklefa sem eru í minni kantinum.
„Aðstaðan fyrir leikmennina til búningaskipta er ekki nógu góð á flestum leikvöngum," sagði Van Gaal.
„Ég þarf oft að sitja á klósettinu í klefanum. Ég sest ekki á klósettið til að gera eitthvað heldur af því að það er ekkert annað sæti fyrir mig. Það kom mér á óvart."
Van Gaal hefur aftur á móti hrifist mjög mikið af menningunni í enska fótboltanum og stuðningsmönnunum.
„Það er ótrúlegt að sjá hvernig fótboltinn er í huga allra og ég bjóst við því. Það er stórkostlegt að vera hér á Englandi. Fólk lifir fyrir fótboltann. Það er ekki þannig í Þýskalandi. Á Spáni er það aðeins meira þannig en hérna er þetta ótrúlegt. Það er frábært að sjá þetta."
Athugasemdir
