Fabian Delph, miðjumaður Man. City mun að öllum líkindum ekki vera í 23 manna hóp Englendinga sem fer á EM í Frakklandi.
Þetta staðfestir Roy Hodgson, landsliðsþjálfari Englendinga, en Delph hefur verið að glíma við meiðsli í nára.
Þetta staðfestir Roy Hodgson, landsliðsþjálfari Englendinga, en Delph hefur verið að glíma við meiðsli í nára.
Delph ferðaðist ekki með enska liðinu fyrir leikinn gegn Ástralíu á morgun, en Hodgson er búinn að setja hann á lista yfir þá sem eiga að vera til taks.
„Delph er ekki með okkur," sagði Hodgson á blaðamannafundi í dag.
„Hann var eftir í Manchester, sem þýðir líklega að hann verði ekki í 23 manna hópnum."
Delph var mikið meiddur á tímabilinu sem var að líða, en honum tókst aðeins að spila 30 leiki í öllum keppnum með Man. City.
Athugasemdir