Garðar Guðnason í leiknum í kvöld.
"Við getum verið sáttir. Mér fannst við standa í þeim allan leikinn og það var fínt að halda þeim í núllinu í fyrri hálfleik. Þetta var gott hjá okkur," sagði Garðar Guðnason, leikmaður 4.deildarliðs Kríu, eftir tap gegn Breiðabliki í kvöld.
Lestu um leikinn: Kría 0 - 3 Breiðablik
"Auðvitað gerði maður sér vonir þegar staðan var 0-0 í hálfleik. Þeir voru orðnir örvæntingafullir þar til þeir náðu að koma inn fyrsta markinu."
Þá ræddum við um aðstæðurnar á Valhúsavelli. "Þetta er svolítið sveitalegt en góð redding. Við getum ekki notað gervigrasvöllinn enda eru framkvæmdir þar en þetta gras hérna á hæðinni er mjög gott. Það er ekkert út á það að setja."
Athugasemdir
