Barcelona hampaði spænska meistaratitlinum verðskuldað á dögunum. Vefsíðan Football Espana hefur opinberað úrvalslið tímabilsins í La Liga en stillt er upp í leikkerfið 4-3-3.
Markvörður: Jan Oblak (Atletico Madrid) - Það getur enginn mótmælt því að þessi 23 ára Slóveni á að vera í rammanum.
Hægri bakvörður: Mario Gaspar (Villarreal) - Hlýtur að velta því fyrir sér hvað hann hefði getað gert meira til að komast í EM hópinn.
Miðvörður: Diego Godin (Atletico Madrid) - Einn besti miðvörður heims. Allt lið Atletico er mun öruggara þegar hann spilar.
Miðvörður: Eric Bailly (Villarreal) - 22 ára landsliðsmaður Fílabeinsstrandarinnar. Hefur vakið mikla athygli frá stærri félögum.
Vinstri bakvörður: Filipe Luis (Atletico Madrid) - Átti glæsilegt tímabil og sýndi mikinn stöðugleika. Hluti af magnaðri vörn.
Miðjumaður: Mikel San Jose (Athletic Bilbao) - Hefur leikið afar vel rétt fyrir framan vörn Bilbæinga.
Miðjumaður: Luka Modric (Real Madrid) - Stórkostlegur miðjumaður þar sem lykilsendingar eru á hverju strái.
Hægri vængur: Antoine Griezmann (Atletico Madrid) - Frakkinn hefur sýnt og sannað á þessu tímabili hve hrikalega öflugur leikmaður hann er.
Sóknarmaður: Luis Suarez (Barcelona) - Leikmaður ársins. Markakóngur með 40 mörk og auk þess með 16 stoðsendingar.
Athugasemdir