Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   fös 26. maí 2017 07:30
Bjarni Þórarinn Hallfreðsson
Barcelona á eftir Herrera
Herrera hefur ekki áhuga á Barcelona
Herrera hefur ekki áhuga á Barcelona
Mynd: Getty Images
Spænska stórliðið Barcelona er sagt vera áhugasamt um spænska miðjumann Manchester United, Ander Herrera.

Ernesto Valverde er talinn líklegastur til þess að taka við Barcelona í sumar eftir að Luis Enrique hættir en hann er mikill aðdáandi Herrera og þjálfaði hann á síðasta tímabili leikmannsins hjá Athletic Bilbao.

Valverde er sagður vilja fá Herrera á miðjuna hjá Barcelona þar sem miðjan sem er fyrir hjá félaginu er farin að eldast.

Herrera, sem hefur spilað tvo landsleiki fyrir Spán hefur hins vegar ekki áhuga að færa sig um set og vill vera áfram hjá Manchester United.

Herrera var frábær á tímabilinu og var valinn besti leikmaður félagsins og var lykilmaður á miðjunni er liðið varð Evrópudeildarmeistari á miðvikudag eftir 2-0 sigur á Ajax.
Athugasemdir
banner
banner
banner
banner