Brynjar Kristmundsson átti frábæra innkomu í liði Fram í dag
Brynjar Kristmundsson átti magnaða innkomu í liði Fram gegn ÍR í Inkasso-deildinni í dag er hann spilaði sinn fyrsta leik í sumar í dramatískum 2-1 sigri Framara.
Jónatan Hrjóbartsson hafði komið ÍR yfir á 63. mínútu áður en Ivan Bubalo jafnaði metin á 82. mínútu en það var svo Brynjar sem skoraði sigurmarkið með nánast síðustu spyrnu leiksins, rétt eftir að hann kom inn á.
Jónatan Hrjóbartsson hafði komið ÍR yfir á 63. mínútu áður en Ivan Bubalo jafnaði metin á 82. mínútu en það var svo Brynjar sem skoraði sigurmarkið með nánast síðustu spyrnu leiksins, rétt eftir að hann kom inn á.
Lestu um leikinn: Fram 2 - 1 ÍR
„Ætli þetta hafi ekki verið rúm mínúta sem ég var inn á. Hann [Ásmundur, þjálfari] bað um stoðsendingu frá mér en ég ákvað að taka þetta bara alla leið og skora sigurmarkið," sagði Brynjar kátur í viðtali eftir leikinn.
Framarar eru með átta stig eftir fyrstu fjórar umferðirnar og sitja í 2. sæti deildarinnar og Brynjar segir að liðið vilji vinna alla heimaleikina sína.
„Við erum á heimavelli og við viljum vinna alla leikina hér, ekki bara gegn ÍR heldur gegn öllum liðum og halda lífinu í toppbaráttunni."
„Við byrjuðum leikinn vel, ógnuðum mikið og svo róast seinni hálfleikurinn og þeir eiga góðan kafla þar sem þeir komast yfir. Við erum oft að byrja leiki illa en á meðan við erum ekki að tapa leikjum, það væri samt gaman að fá fleiri þrjú stig."
Brynjar var að spila sína fyrstu mínútu í sumar en hann var á láni hjá Gróttu í fyrra. Aðspurður hvort hann eigi ekki að byrja næsta leik eftir þessa innkomu sagði hann: „Maður vill alltaf byrja en ég hef beðið þolinmóður eftir mínu tækifæri og vonandi fara þau að vera fleiri."
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
