Magni frá Grenivík fór í heimsókn á Selfoss í dag og lék gegn heimamönnum í leik þar sem heimamenn stálu stigunum þremur með marki á 89. mínútu.
Lestu um leikinn: Selfoss 2 - 1 Magni
Í viðtali eftir leik sagði Páll Viðar Gíslason að þetta hefði getað fallið hvoru megin sem var en hlutirnir féllu gegn gestunum í dag.
„Fyrsti hálftíminn var okkur erfiður og markmaðurinn okkar hann Stubbur bjargaði okkur marg oft. En úr því að við héldum út þar og náðum að jafna með marki eftir ágætis pressu og færi á báða bóga þá er ég sammála því að þetta hefði getað fallið hvoru megin sem var."
Steinþór Már Auðunsson, Stubbur, spilaði í markinu og lék vel en hann hefur spilað síðustu tvo leiki eftir að Hjörtur Geir Heimisson spilaði fyrstu tvo. Páll Viðar segist vera í góðum málum með markmenn.
Aðspurður hvort næsti leikur Magna gæti farið fram á Grenivík sagði Páll Viðar að ef veðrið væri norðanmönnum hliðhollt gæti völlurinn verið orðinn ágætur.
Myndbandið í heild sinni má sjá í sjónvarpinu að ofan.
Athugasemdir
