Perú mætir heimamönnum í Síle í undanúrslitum Suður-Ameríku bikarsins eftir öruggan sigur á Bólivíu í nótt.

Paolo Guerrero kom Perú yfir með skallamarki og tvöfaldaði forystuna þremur mínútum síðar.

Perú var með yfirhöndina allan leikinn og fullkomnaði Guerrero þrennuna eftir varnarmistök í síðari hálfleik.

Marcelo Martins Moreno minnkaði muninn með marki úr vítaspyrnu þegar lítið var eftir af leiknum en það hafði lítil áhrif á lokatölurnar og lítið annað að gera fyrir leikmenn Bólivíu heldur en að pakka saman og halda heim.