Candreva verður ekki með Ítölum í dag
Ítalía hefur staðfest það að Antonio Candreva muni ekki spila á morgun gegn Spánverjum.
Candreva hefur verið að glíma við meiðsli aftan í læri og missti meðal annars af lokaleik Ítalíu í riðlakeppninni gegn Írlandi.
Antonio Conte, þjálfari Ítalíu, hristi upp í liðinu fyrir leikinn gegn Írlandi, en Candreva hafði byrjað fyrstu tvo leikina sem vængbakvörður hægra megin.
Búist er þó við að Gianluigi Buffon verði mættur aftur markið hjá Ítalíu á morgun eftir veikindi.
„Ég finn til með Candreva," sagði liðsfélaginn Andrea Barzagli. „Við vitum allir hvað hann getur, en við erum með 23 manna hóp."
Athugasemdir
