Hermann verður í Nice á morgun
Hermann Hreiðarsson, þjálfari Fylkis og fyrrum landsliðsmaður, ætlar að vera í Nice annað kvöld og fylgjast með leik Englands og Íslands þrátt fyrir að lið hans Fylkir eigi leik í Pepsi-deildinni á þriðjudaginn.
Um þetta og meira skrifar Hermann um í pistli hjá Daily Mail fyrir leikinn mikilvæga annað kvöld
„Ég var ekki búinn að plana það að vera í Frakklandi vegna þess að starfið mitt núna er að þjálfa Fylki í efstu deild. En reynið bara að stoppa mig að fara til Nice núna!" segir Hermann í pistli sínum.
„Við eigum að spila leik á þriðjudaginn - hér er tímabilið spilað á sumrin - og bæði lið eru í þessum skrifuðu orðum að gera allt til þess að leiknum verði frestað svo við getum bæst í hóp rúmlega 30.000 landa okkar og séð þetta ævintýri með berum augum."
Hermann tjáir sig líka um ummæli Cristiano Ronaldo í pistli sínum, en hann var ekki hrifinn af þeim.
„Að Cristiano Ronaldo skuli tala um að þetta lið væri með hugsunarhátt þess litla eftir jafntefli - það var bara hroki."
Athugasemdir
