Daniel Sturridge segir að liðsfélagi sinn hjá enska landsliðinu, Raheem Sterling, sé einn hæfileikaríkasti leikmaður í heimi.
Sterling hefur verið harðlega gagnrýndur fyrir frammistöður sínar með Englandi á EM í Frakklandi.
Sturridge stendur þó þétt við bakið á Sterling, en það er ekki langt síðan þeir voru líka liðsfélagar hjá Liverpool.
„Það er bara tímaspursmál áður en hann tekur leik sinn á næsta stig og ég er viss um að það gerist mjög fljótt," sagði Sturridge.
„Hann leggur hart að sér á æfingasvæðinu og er einn af hæfileikaríkustu leikmönnum í heiminum."
England mætir einmitt Íslandi í 16-liða úrslitum á EM í Frakklandi og búast má við því að Sterling og Sturridge verði báðir í byrjunarliði Englands í þeim leik.
Athugasemdir