Alex Freyr Hilmarsson var maðurinn á bakvið 2-0 sigur Víkings R. á Víkingi Ó. í kvöld en hann skoraði bæði mörkin í leiknum. Fyrra markið kom úr aukaspyrnu sem Cristian Martines hefði átt að verja.
„Það var smá deflection í þessu skilst mér og mark er mark er það ekki?" sagði Alex léttur.
„Það var smá deflection í þessu skilst mér og mark er mark er það ekki?" sagði Alex léttur.
Lestu um leikinn: Víkingur R. 2 - 0 Víkingur Ó.
Alex skoraði síðara markið eftir langa sendingu frá Ívari erni Jónssyni en varnarmenn Ólafsvíkinga gleymdu sér inni á teignum.
„Ég fann mér pláss á milli hafsenta og hann teiknaði boltann á mig. Þeir voru ekki alveg klárir í vörninni."
Alex er núna kominn með fjögur mörk í Pepsi-deildinni í sumar.
„Ég veiktist fyrir tímabilið í fyrra og var ekki í alveg nógu góðu formi en mér finnst ég vera í þokkalegu formi núna."
Alex fær þrjú bónusstig í Draumaliðsdeild Eyjabita fyrir frammistöðu sína í kvöld. Hann fékk einnig harðfisk að launum frá Eyjabita.
„Harðfiskurinn er hrikalega góður smá smjöri," sagði Alex sáttur eftir að hafa fengið harðfiskinn í hendurnar.
Hér að ofan má sjá viðtalið í heild sinni.
Athugasemdir
