Varnarmaðurinn Michee Efete mun fara frá Breiðabliki eftir næsta leik, sem er gegn Íslandsmeisturum FH.
Þetta staðfestir hann á Twitter í kvöld.
Þetta staðfestir hann á Twitter í kvöld.
Efete kom til Blika í byrjun maí á láni frá Norwich, en hann hefur staðið sig virkilega vel í hjarta varnarinnar hjá Kópavogsliðinu.
Hann stóð vaktina í kvöld er Breiðablik gerði markalaust jafnefli gegn spútnikliði Grindavíkur í Pepsi-deild karla.
Efete er á leið aftur til Norwich, en hann hefur verið í kringum aðalliðið þar. Norwich er í Championship-deildinni á Englandi.
Næsti leikur Blika, gegn FH, er eftir viku.
Talið er að Elfar Freyr Helgason muni snúa aftur í lið Breiðabliks þegar félagsskiptaglugginn opnar 15. júlí. Hann kláraði tímabilið í Danmörku með Horsens, en danska félagið nýtti sér ekki forkaupsrétt á honum.
I decided to stay a extra week and play my last game against FH ! 👍🏾 https://t.co/IVtAYfU735
— Michee Efete (@MicheeEfete) June 26, 2017
Soon back to Norwich 👍🏾 pic.twitter.com/kTzeLvmYlO
— Michee Efete (@MicheeEfete) June 25, 2017
Athugasemdir