Breiðablik 0 - 0 Grindavík
Lestu nánar um leikinn
Lestu nánar um leikinn
Breiðablik fékk spútniklið Grindavíkur í heimsókn í síðasta leik 9. umferðar í Pepsi-deild karla í kvöld.
Grindavíkingar hafa komið öllum á óvart í sumar, en þeir eru í toppbaráttu. Breiðablik hafði ekki unnið í tveimur leikjum í röð fyrir leikinn í kvöld og voru í neðri hlutanum.
Heimamenn fengu að vera með boltann í fyrri hálfleiknum án þess að skapa sér mikið af færum. Múr gestanna var þéttur.
Blikar fengu reyndar nokkur færi í fyrri hálfleiknum. Höskuldur Gunnlaugsson fékk líklega það besta þegar hann fékk frítt skallafæri inn á teignum. Skalli hans fór hins vegar í jörðina og yfir.
Það var sama sagan í seinni hálfleiknum. Blikar héldu áfram að sækja og Grindavíkurliðið var agað í leik sínum.
Svo fór að lokum að hvorugt liðið náði að skora og markalaust jafnefli var niðurstaðan. Ekki skemmtilegasti leikurinn til að "slútta" þessari annars ágætu umferð.
Grindavík er í öðru sæti Pepsi-deildarinnar, tveimur stigum á eftir toppliði Vals, á meðan Breiðablik er í 8. sætinu með 11 stig.
Hér að neðan má sjá stigatöfluna í deildinni, en það gæti tekið hana einhvern tíma að uppfæra sig.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir