lau 26. júlí 2014 12:20
Eyþór Ernir Oddsson
Heimild: manutd.com 
Fletcher: Verðum að halda áfram á sömu braut
Mynd: Getty Images
Darren Fletcher, miðjumaður Manchester United vill að liðið byggi á frábærri byrjun liðsins á undirbúningstímabilinu þegar þeir mæta AS Roma í dag.

United fóru hamförum gegn LA Galaxy og lögðu þessa fyrrum lærisveina David Beckham 7-0. Fletcher spilaði 90 mínútur í leiknum.

,,Það eru mikil gæði í andstæðingum okkar í þessu ferðalagi. Þetta er frábær keppni. Roma er topp lið sem endaði í öðru sæti á Ítalíu á síðasta tímabili, svo að við virum að þetta verður erfiðara og skref upp á við. Þetta var frábær úrslit í LA, svo að gerum það aftur gegn Roma," sagði Fletcher brattur.

Fletcher var einnig hrifinn af nýja leikmanni Man Utd, Ander Herrera, sem þótti spila vel í leiknum og vakti mikla athygli.

,,Mér fannst hann frábær, hann var fullur af orku og lagði sig allan fram. Hann skipti um hlutverk í fyrri hálfleik, spilaði dýpra en í seinni spilaði hann framar með frábærum stoðsendingum. Ég held hann eigi eftir að vera frábær fyrir Man Utd. Vonandi verður mikið af því sama frá honum."


Athugasemdir
banner
banner
banner
banner