Ásdís Karen Halldórsdóttir.
Ásdís Karen Halldórsdóttir átti fínan leik í liði KR þrátt fyrir 2-0 tap gegn Breiðabliki í Pepsi-deild kvenna í kvöld.
Hún var svekkt með tapið en hins vegar ánægð með frammistöðu og karakter KR liðsins, sem hélt hreinu í fyrri hálfleik.
Hún var svekkt með tapið en hins vegar ánægð með frammistöðu og karakter KR liðsins, sem hélt hreinu í fyrri hálfleik.
Lestu um leikinn: KR 0 - 2 Breiðablik
„Mér fannst við bara góðar. Við lágum til baka mikið og héldum hreinu í fyrri hálfleik. Þær hefðu getað skorað einhver mörk en með smá heppni héldum við hreinu. Við vorum alveg góðar í fyrri hálfleik en fengum svo mark á okkur strax í byrjun seinni. Það dró okkur smá niður en við héldum samt áfram," sagði Ásdís Karen við Fótbolta.net eftir leikinn.
„Við vorum búnar að halda vel og liggja til baka, síðan fáum við þetta mark á okkur. En við héldum áfram og hættum aldrei og áttum færi þarna í lokin."
Ásdís hefur ekki miklar áhyggjur af því að KR falli úr deildinni þrátt fyrir að liðið sé fjórum stigum frá öruggu sæti.
„Það eru bara fjögur stig í FH og við eigum eftir að spila á móti ÍA og FH og fleiri liðum sem við getum náð þremur stigum á móti. Við getum náð stigi á móti öllum liðum í deildinni, við höfum sýnt það."
Athugasemdir
