Donnarumma segist vera í draumastöðu en hann hefur verið orðaður við nokkur af stærstu félögum Evrópu.

„Ég er mjög til í að endurnýja samninginn minn. Ég vona að samband mitt og AC Milan muni endast í mörg ár. Ég hef alltaf haldið með liðinu og á mér drauma um að verða fyrirliði liðsins. Það er klárlega markmið fyrir framtíðina en ég tek eitt skref í einu," segir markvörðurinn ungi.

AC Milan hefur ekki verið að gera neinar rósir síðustu ár og endaði liðið í sjöunda sæti, 23 stigum frá Meistaradeildarsæti, síðasta tímabil.

Vincenzo Montella er tekinn við þjálfun liðsins.

„Hann er virkilega fær. Hann hefur svo mikla þrá og við erum allir að standa okkur vel. Hann er rétti þjálfarinn til að byrja nýja tíma með," segir Donnarumma um Montella.