Chris Brazell, þjálfari Gróttu, gerði fimm breytingar á liði sínu fyrir leikinn gegn Grindavík í gær. Grótta hafði tapað sjö leikjum í röð fyrir leikinn í gær.
Grótta vann 3-1 sigur en Chris tekur ekki allt kreditið.
Grótta vann 3-1 sigur en Chris tekur ekki allt kreditið.
Lestu um leikinn: Grótta 3 - 1 Grindavík
„Það er auðvelt að segja að þetta hafi gengið upp (að gera þessar breytingar) af því við unnum. En ég er alls ekki snillingurinn á bakvið þennan sigur, heldur eru það strákarnir í liðinu. Það var gott að fríska liðið aðeins upp. Við erum að glíma við svo mikil meiðsli, aðallega út af vellinum hér. Það er mjög erfitt að æfa á honum halda sér í standi. Sumar breytingarnar voru vegna meiðsla og sumar tengdust frammistöðu leikmanna."
„Það er samkeppni í hópnum og okkur fannst vera kominn tími að koma inn öðrum leikmönnum inn í liðið. Til að vera sanngjarn við þá sem duttu úr liðinu þá voru það þeir sem komu inn í lokin og kláruðu þennan sigur. Ég er mjög ánægður með alla sem spiluðu og alla sem áttu þátt í þessu með nærveru sinni síðustu daga."
Lengi hefur verið kvartað yfir gervigrasinu á heimavelli Gróttu og eftir síðasta tímabil skrifuðu leikmenn félagsins opið bréf til bæjarstjórnar þar sem þeir höfðu áhyggjur af ástandi vallarins.
Tveir leikmenn í kvennaliði Gróttu hafa slitið krossband á vellinum í sumar. Það eru þær Emily Amano og Franciele Cupertino sem komu til Gróttu fyrir tímabilið.
Lengjudeild karla
Lið | L | U | J | T | Mörk | mun | Stig |
---|---|---|---|---|---|---|---|
1. ÍBV | 20 | 10 | 5 | 5 | 43 - 26 | +17 | 35 |
2. Keflavík | 21 | 9 | 8 | 4 | 33 - 24 | +9 | 35 |
3. Fjölnir | 20 | 9 | 7 | 4 | 32 - 24 | +8 | 34 |
4. Afturelding | 20 | 10 | 3 | 7 | 36 - 34 | +2 | 33 |
5. Njarðvík | 21 | 8 | 8 | 5 | 32 - 27 | +5 | 32 |
6. ÍR | 20 | 8 | 8 | 4 | 28 - 24 | +4 | 32 |
7. Þróttur R. | 20 | 7 | 6 | 7 | 30 - 26 | +4 | 27 |
8. Grindavík | 20 | 6 | 7 | 7 | 38 - 38 | 0 | 25 |
9. Leiknir R. | 20 | 7 | 3 | 10 | 29 - 31 | -2 | 24 |
10. Þór | 20 | 4 | 8 | 8 | 28 - 37 | -9 | 20 |
11. Grótta | 20 | 4 | 4 | 12 | 29 - 46 | -17 | 16 |
12. Dalvík/Reynir | 20 | 2 | 7 | 11 | 21 - 42 | -21 | 13 |
Athugasemdir