,,Þær voru frábærar í dag en maður vildi óska þess að hafa meiri stöðugleik, vinnum Þór/KA 5-0, töpum svo fyrir Fylki 3-0 og við vinnum í dag 8-0 en frammistaðan í dag var frábær," sagði Jón Ólafur Daníelsson, þjálfari ÍBV í dag en þær burstuðu Aftureldingu 8-0 í sannkölluðum markaleik í Vestmannaeyjum í dag.
Lestu um leikinn: ÍBV 8 - 0 Afturelding
,,Við lögðum upp með það í seinni hálfleik að láta leikinn ekki fjara út, eins og oft vill verða þegar lið ná forystu, og að við skyldum halda áfram og ná sem mestu út úr seinni hálfleiknum og það gekk alveg upp,"
,,Ég held það sé alveg pottþétt að við séum búin að bjarga okkur frá falli með þessum úrslitum en ég vona að það komi núna stöðugleiki í liðið og við náum að enda tímabilið á eins góðan hátt og hægt er," sagði Jón Óli að lokum.
Athugasemdir