Ísland mætir Hollandi í Amsterdam á fimmtudaginn í næstu viku.
Landsliðsfyrirliðinn Aron Einar Gunnarsson hefur verið að glíma við meiðsli í upphafi keppnistímabilsins í Championship-deildinni.
Landsliðsfyrirliðinn Aron Einar Gunnarsson hefur verið að glíma við meiðsli í upphafi keppnistímabilsins í Championship-deildinni.
Samkvæmt WalesOnline er óvíst hvort Aron geti leikið með Cardiff City gegn Nottingham Forest komandi laugardag.
Aron átti að vera í byrjunarlið Cardiff gegn MK Dons í enska deildabikarnum en var tekinn úr liðinu rétt fyrir leik þar sem hann fann fyrir meiðslum í upphitun.
Landsliðshópurinn fyrir leikinn gegn Hollandi verður tilkynntur á fréttamannafundi í Laugardalnum í hádeginu á föstudag. Ísland er í efsta sæti riðilsins þegar fjórar umferðir eru eftir.
Cardiff er í sjöunda sæti Championship (B-deildar Englands) eftir fjórar umferðir.
Athugasemdir