Stjarnan verður á meðal 64 þátttökuliða í Meistaradeild unglingaliða í vetur. Þetta varð ljóst eftir úrslit gærkvöldsins í Meistaradeild Evrópu.
Undanfarin ár hafa 32 lið tekið þátt í riðlakeppninni í Meistaradeild unglingaliða líkt og í sjálfri Meistaradeildinni en liðum hefur nú verið fjölgað upp í 64.
Öll lið sem komast í riðlakeppni Meistaradeildarinnar fá sæti í Meistaradeild unglingaliða sem og landsmeistarar í keppni unglingaliða hjá næstu þjóðum á styrkleikalista UEFA.
Stjarnan mætir öðrum landsmeisturum heima og að heiman í 64-liða úrslitum og í 32-liða úrslitum ef liðið kemst þangað.
Sigurvegarinn úr þeirri viðureign mætir síðan unglingaliði hjá liði sem er í riðlakeppni Meistaradeildarinnar. Sigurvegarinn úr þeirri viðureign fer í kjölfarið áfram í 16-liða úrslit í Meistaradeild unglingaliða.
Í Meistaradeild unglingaliða eru lið skipuð leikmönnum sem eru fæddir 1997 og síðar en að auki er leyfilegt að nota þrjá leikmenn sem eru fæddir árið 1996.
Stjarnan hefur orðið Íslandsmeistari í 2. flokki tvö ár í röð og því fær liðið sæti Íslands í keppninni.
Athugasemdir