fös 26. ágúst 2016 20:37
Guðmundur Aðalsteinn Ásgeirsson
Championship: Burton Albion lagði Derby í grannaslag
Jackson Irvine fagnar hér marki sínu í kvöld
Jackson Irvine fagnar hér marki sínu í kvöld
Mynd: Getty Images
Burton Albion 1 - 0 Derby County
1-0 Jackson Irvine ('12 )

Það var grannslagur í ensku Championship-deildinni í kvöld þegar Burton Albion fékk Derby County í heimsókn.

Burton Albion eru nýliðar í Championship-deildinni en það voru þeir sem komust yfir í leiknum. Ástralinn Jackson Irvine skoraði með skalla á 12. mínútu og staðan í hálfleik var 1-0 fyrir heimamenn.

Leikmenn Derby reyndu hvað þeir gátu að jafna leikinn en það tókst ekki. Burton Albion sýndi mjög agaðan varnarleik í seinni hálfleik og það skilaði þeim sigri.

Lokatölur 1-0 fyrir Burton Albion og þeir fara upp í 6. sæti deildarinnar með sjö stig. Derby er eftir þetta tap með fimm stig 17. sæti og þeir verða að rífa sig upp.


Athugasemdir
banner
banner
banner