Heimild: Sport.TV2
Það gengur vel hjá Óla Kristjáns í Danmörku
Lið Randers hefur spilað gríðarlega vel undir stjórn Ólafs Kristjánssonar það sem af er af tímabili í dönsku úrvalsdeildinni. Randers vann Silkeborg 1-0 í dag og komst liðið þar með á topp deildarinnar.
„Ég vil meina að við séun með lið sem erfitt er að spila á móti og við höfum sýnt það í upphafi tímabils. Við höfum aðeins fengið á okkur fimm mörk í sjö leikjum og þrjú þeirra komu í fyrstu tveimur leikjunum," sagði Óli Kristjáns eftir sigurinn í dag.
„Ég vil meina að við séun með lið sem erfitt er að spila á móti og við höfum sýnt það í upphafi tímabils. Við höfum aðeins fengið á okkur fimm mörk í sjö leikjum og þrjú þeirra komu í fyrstu tveimur leikjunum," sagði Óli Kristjáns eftir sigurinn í dag.
Ólafur tók við Randers fyrir þetta tímabil eftir að hafa stýrt Nordsjælland á síðasta leiktímabili. Það komu nýjir eigendur þar inn og þess vegna var hann látinn fara, en í dag er Nordsjælland með sjö stig i 11. sæti í dönsku úrvalsdeildinni.
Randers er aftur á móti á toppi deildarinnar með 14 stig, líkt og tvö stærstu lið Danmerkur, Bröndby og FCK sem mætast á sunnudaginn í toppslag.
Kasper Fisker, leikmaður Randers, mætti líka í viðtal eftir leik og talaði hann um að liðið ætti að vera ósigrað.
„Í öllum leikjum sem við höfum spilað höfum við unnið fyrir sigrinum eða jafnteflunum sem við höfum gert. Þannig að ég er er eiginlega mest svekktur að við erum ekki ósigraðir hingað til," sagði Fisker, en eini tapleikur Randers kom gegn AaB í annari umferð.
Hannes Þór Halldórsson leikur með Randers og hann var í markinu í sigrinum í dag. Hann hefur staðið sig vel og fengið aðeins á sig þrjú mörk í sex leikjum.
Athugasemdir
