Fótbolti.net

Eru eins og fjölskylda í Ólafsvík - „Elska þetta land"

Gylfi: Þeir áttu þetta bara skilið

Brynjar Árna: Erfitt en gaman að máta sig við þá

Oliver Heiðars: Sætt að kasta þeim út og hefna mín aðeins

Magnús Már: Gaman að sjá hann leggja upp á yngri bróður sinn

Elmar Cogic: Sagði við hann fyrir leik að hann myndi skora

Haraldur Freyr: Viljum helst vinna deildina

Óli Hrannar: Viljum auka breiddina sóknarlega

Brynjar Kristmunds: Þeim er ekki kalt, þeir vinna í frystihúsinu

John Andrews: Náðum okkar leik aldrei í gang

Jóhann Kristinn: Einn af okkar leikmönnum þrátt fyrir sérkennilega kennitölu

Bríet Fjóla: Gaman að skora í fyrsta leik

Arna: Varnarleikurinn okkar eiginlega bara sóknarleikur

Kristján Guðmunds: Einn besti markaskorari landsins

Guðni: Settum tóninn fyrir það sem koma skal hjá FH

Freyja Karín: Sterkt að byrja deildina svona með tveim mörkum

Óskar Smári: Þið hafið trú á okkur

Katie Cousins: Það voru engin vandamál með Val

Nik: Frammistaðan fyrstu 36-37 mínúturnar til fyrirmyndar

Berglind Björg: Allir mjög spenntir að byrja þetta mót

lau 26. september 2015 16:55

Magnús Þór Jónsson

Arnar: Yfirleitt fylgni milli fjármagns og árangurs

Mynd: Fótbolti.net - Hafliði Breiðfjörð

Arnar Grétarsson þjálfari Blika var sáttur með úrslitin ekki frammistöðu sinna manna í Kópavoginum í dag.

"Ég er fyrst og fremst ánægður með að við héldum hreinu og gerðum það sem við þurftum að gera og það var að sækja þrjú stig. Þetta var klárlega ekki einn af okkar bestu leikjum en sérstaklega eftir að við skoruðum þá fannst mér allur vindur úr okkur og við að halda fengnum hlut."

Lestu um leikinn: Breiðablik 1 - 0 ÍBV

Arnar hefur verið mjög duglegur að beina kastljósinu að FH-ingum undanfarnar vikur og látið eins og Blikar hafi ekki átt séns á titlinum en það var öllum augljóst að þeir voru svekktir í leikslok með silfrið.

"Það var súrt að taka við silfrinu í dag í ljósi þess að það var leikur í Krikanum. Vitandi það að staðan var 1-1 þegar lítið var eftir og Fjölnismenn með hörkulið þá auðvitað héldum við í vonina. Við vorum að fókusa á okkur og klára okkar leik. Það hefði verið grátlegt ef við hefðum ekki gert það."

Blikar tryggðu sér 2.sætið í dag, var það í samræmi við markmið sumarsins?

"Við sögðum fyrir mótið að við ætluðum að ná Evrópusæti en í 2.sæti vilja menn auðvitað alltaf meira og ég tel getuna fyrir hendi. En ég ætla ekkert að taka af FH, þeir eru með gott lið og vel að þessu komnir og við þurfum að spýta aðeins í lófana ef við ætlum að stríða þeim á næsta ári. Það er klárlega markmiðið."

Hafa ekki Blikar nú í sumar stimplað sig aftur inn í toppslag íslensks fótbolta og ætla sér stóra hluti í framtíðinni?

"Við förum í alla leiki til að vinna. En það er bara þannig að það er alltaf fylgni milli þess fjármagns sem er sett í liðið og árangurs, það er yfirleitt þannig. Eins og mér skilst þá erum við töluverðir eftirbátar Vesturbæinga og þeim í Hafnarfirðinum en engu að síður þá erum við með þannig lið að við getum strítt þessum liðum."

Blikar eru ekki hættir í mótinu.

"Við ætlum að reyna að klára mótið með sigri og setja þá stigamet í 12 liða deild fyrir félagið. Það er klárlega markmiðið".

Nánar er rætt við Arnar í viðtalinu sem fylgir.