mán 26. september 2016 20:55
Arnar Geir Halldórsson
England: Jóhann Berg spilaði 90 mínútur í sigri
Góður sigur hjá Jóa Berg og félögum
Góður sigur hjá Jóa Berg og félögum
Mynd: Getty Images
Burnley 2 - 0 Watford
1-0 Jeff Hendrick ('38 )
2-0 Michael Keane ('50 )

Síðasti leikur sjöttu umferðar ensku úrvalsdeildarinnar fór fram í kvöld þegar Jóhann Berg Guðmundsson og félagar í Burnley fengu Watford í heimsókn.

Heimamenn komust yfir þegar Jeff Hendrick skallaði hornspyrnu Steven Defour í netið skömmu fyrir leikhlé.

Defour lagði svo upp annað mark í upphafi síðari hálfleiks þegar Michael Keane skoraði.

Jóhann Berg lék nær allan leikinn í liði Burnley en hann var tekinn útaf þegar mínúta var eftir af uppbótartíma.

Burnley er nú komið með sjö stig og situr í 13.sæti ensku úrvalsdeildarinnar. Watford er með jafnmörg stig en er í ellefta sæti.
Athugasemdir
banner
banner
banner
banner