mán 26. september 2016 13:00
Magnús Már Einarsson
Suarez framlengir við Leikni F.
Jesus og Magnus Ásgrímsson formaður Leiknis F.
Jesus og Magnus Ásgrímsson formaður Leiknis F.
Mynd: Leiknir F.
Jesus Guerrero Suarez hefur skrifað undir nýjan samning við Leikni Fáskrúðsfirði.

Jesus er spænskur miðjumaður en hann kom til Leiknis fyrir þetta tímabil.

Hann skoraði þrjú mörk í tuttugu leikjum í Inkasso-deildinni í sumar.

„Þá er undirbúningur Inkasso17 hafinn. Jesus Suarez, einn albesti leikmaður Inkasso16, búinn að skrifa undir samning fyrir næsta tímabil. Til hamingju Leiknir og Suarez!" segir á Facebook síðu Leiknis.

Leiknir bjargaði sér frá falli úr Inkasso-deildinni á magnaðan hátt í lokaumferðinni um helgina.

Liðið sigraði HK 7-2 á útivelli á meðan Huginn tapaði 4-1 gegn Selfossi og féll um leið á markatölu.
Athugasemdir
banner
banner
banner
banner