Það sem truflaði Klopp mest í byrjun var þegar túlkurinn byrjaði að þýða setningar hans, meðan hann var enn að tala. Svo tóku við skrítnar spurningar, en engin þeirra beindist að Liverpool liðinu.

Þegar Klopp var spurður hvort hann myndi elska einhvern af sínum leikmönnum var nóg komið.

„Mér finnst merkilegt að vera á fréttamannafundi fyrir Meistaradeildina og tala um hluti eins og þessa. Ég virkilega skil ekki hvað við erum komin út í hérna en já, ég elska Liverpool og þar af leiðandi elska ég leikmenn liðsins líka. Þetta er algjör tímasóun."

Á einum tímapunkti þurfti Klopp að leiðrétta túlkinn og skrifa nafn á leikmanni Spartak á blað svo fundurinn gæti haldið áfram.

Hér fyrir neðan er hægt að sjá það sem gerðist á fréttamannafundinum, en skemmtilegasti hluti fundarins byrjar eftir 6 mínútur og 30 sekúndur.