Íslenski landsliðsmiðvörðurinn Ragnar Sigurðsson átti hörkuflottan leik fyrir rússneska liðið Krasnodar sem vann 1-0 sigur gegn Borussia Dortmund í toppslag C-riðils Evrópudeildarinnar. Ragnar lék allan leikinn.
Eftir þessi úrslit er ljóst að Krasnodar hefur tryggt sér sæti í 32-liða úrslitum Evrópudeildarinnar þó ein umferð sé eftir af riðlakeppninni. Krasnodar fylgir Dortmund upp úr riðlinum.
Eina mark leiksins kom úr vítaspyrnu strax í byrjun en Dortmund sótti mikið í seinni hálfleik, átti meðal annars stangarskot, en náði ekki að jafna.
Í B-riðli vann Rubin Kazan 2-0 sigur gegn toppliði Sion. Liverpool getur náð efsta sæti riðilsins og tryggt sér sæti í 32-liða úrslitum ef liðið vinnur Bordeaux í leik sem hefst klukkan 20:05.
Í E-riðli vann Dinamo Minsk 1-0 sigur gegn Viktoria Plzen en þessi lið eiga ekki möguleika á að komast áfram. Rapid Vín og Villarreal sem mætast í kvöld komast upp úr riðlinum.
B-riðill:
Rubin 2 - 0 Sion
1-0 Blagoy Georgiev ('72 )
2-0 Marko Devic ('90 )
Rautt spjald: Birama Ndoye, Sion ('34)
C-riðill:
FK Krasnodar 1 - 0 Borussia D.
1-0 Pavel Mamaev ('2 , víti)
E-riðill:
Dinamo Minsk 1 - 0 Plzen
1-0 Nenad Adamovic ('90 )
Rautt spjald: Aleh Veratsila, Dinamo Minsk ('90)
Athugasemdir