Rúnar stjórnaði Lokeren til sigurs í fyrsta skipti
Landsliðsmennirnir Ari Freyr Skúlason og Sverrir Ingi Ingason spiluðu báðir allan leikinn fyrir Lokeren í belgísku úrvalsdeildinni en Rúnar Kristinsson þjálfar liðið.
Lokeren tók á móti St. Truiden 16. umferð belgísku úrvalsdeildarinnar í dag. Fyrir leik liðanna voru bæði liðin neðarlega í deildinni. Lokeren í 13. sæti en St. Truiden í 15. sæti, einu sæti fyrir ofan fallsæti.
Þjálfari Lokeren, Rúnar Kristinsson var með Ara Frey og Sverri Inga í vörninni hjá sínu liði og nældi Ari sér í gult spjald í fyrri hálfleik.
Lokeren sigraði leikinn 1-0 og fara upp um eitt sæti í deildinni. Þetta var fyrsti sigurleikur Rúnars við stjórnvölinn hjá Lokeren.
Athugasemdir
