Hádegisleikurinn í ensku úrvalsdeildinni þennan laugardaginn er leikur Burnley og Manchester City á heimavelli fyrrnefnda liðsins. Byrjunarliðin fyrir leikinn eru klár og þau er hægt að sjá hér að neðan.

Stærstu liðsfréttirnar eru þær að reynsluboltinn Paul Robinson, varamarkvörður Burnley, byrjar í dag. Hann leysir Tom Heaton af hólmi, en Heaton er að glíma við meiðsli í kálfa. Jóhann Berg Guðmundsson er á sínum stað í byrjunarliði Burnley.

Yaya Toure heldur sæti sínu í byrjunarliðinu hjá Man City eftir að hafa skorað tvö gegn Crystal Palace um síðustu helgi. Hann byrjar sem fremsti maður á miðju í stað Kevin de Bruyne, sem er á bekknum.

Sóknarmaðurinn Sergio Aguero byrjar líka, en hann var talinn tæpur fyrir leikinn. Það vantar John Stones og Vincent Kompany í vörnina hjá City, en í þeirra stað byrja Otamendi og Kolarov.

Hér að neðan má sjá bæði byrjunarliðin í heild sinni.