Heimild: Daily Mail 

„Ég borða bara pasta og nóg af því," segir Boyd í viðtalinu við Daily Mail. „Ég fæ mér líka Red Bull á hverjum degi, tvær dósir af Red Bull. Það hjálpar örugglega. Þetta er bara vani sem ég er búinn að vera með síðan ég var hjá Peterborough. Ég fæ mér eina á morgnana áður en ég fer á æfingu."

„Svo fæ ég mér aðra þegar ég kem aftur heim. Ég á þrjú börn! Styrktarþjálfarinn hatar það að ég drekki svona mikið, en þetta virkar fyrir mig."

Þetta er eitthvað sem á ekki að virka fyrir fótboltamann í ensku úrvalsdeildinni, en þetta virkar svo sannarlega fyrir Boyd sem getur hlaupið endalaust. Hann segist heldur ekki forðast áfengi og er á engu sérstöku mataræði.

„Ég fæ mér (áfengan) drykk á viðeigandi tíma, ég drekk ekki á hverju kvöldi. Ég lfii ekki eins og munkur, en ég næ rétta jafnvæginu," segir Boyd ennfremur. „Ef þú leggur mikið á þig á æfingasvæðinu þá er það lykilatriði."

„Ég var vanur að hlaupa víðavangshlaup þegar ég var í grunnskóla, en ég var aldrei í einhverjum liðum eða eitthvað þannig. Þetta er bara náttúrulegt. Ég hef sýnt vinnusemi hjá öllum þeim félögum þar sem ég hef spilað; þú æfir eins og þú spilar," sagði þessi vinnusami leikmaður að lokum.