Bayern Munchen tóku á móti Bayer Leverkusen í síðasta leik þýsku úrvalsdeildarinnar í dag. Bayern þurfti nauðsynlega á sigri að halda til þess að halda í við spútniklið deildarinnar, Red Bull Leipzig.

Heimamenn í Bayern komust yfir með marki frá Thiago Alcantara á 30. mínútu en fimm mínútum síðar jafnaði hakan Calhanoglu fyrir Leverkusen.

Varnarjaxlinn Mats Hummels skoraði svo sigurmark Bayern á 56. mínútu og eru þýsku meistararnir þremur stigum á eftir RB Leipzig.

Leverkusen sitja í 9. sæti deildarinnar, 11 stigum á eftir Bayern.