Það er þetta hefðbundna í þýsku Bundesligunni í dag. Það eru sex hörkuleikir á dagsskrá í dag; fimm þeirra hefjast klukkan 14:30 og lokaleikurinn er svo klukkan 17:30. Þetta eru leikir í 12. umferð.

Dagurinn hvað varðar þýska boltann hefst klukkan 14:30, en þá eru eins og hér áður segir fimm leikir á dagskrá. Hæst ber að nefna leik Eintracht Frankfurt og Borussia Dortmund, en Dortmund getur komist upp að hlið Bayern með sigri.

Hoffeinheim, sem hefur ekki enn tapað leik, mætir Borussia Mönchengladbach, Köln og Augsburg mætast, en ólíklegt þykir að Alfreð Finnbogason spili þar sem hann er meiddur. Hamburger SV og Werder Bremen eigast við og þá mætast einnig Ingolfstadt og Wolfsburg.

Lokaleikur dagsins er svo leikur stórliðs Bayern München og Bayer Leverkusen í beinni útsendingu á Stöð 2 Sport 2. Bayern er í öðru sæti deildarinnar, sex stigum á eftir RB Leipzig, en það er ekki staður þar sem þeir vilja vera.