Landsliðsmaðurinn Ólafur Ingi Skúlason var í byrjunarliði Kardemir Karabükspor í tyrkneska boltanum í dag. Lið hans mætti Gaziantepspor í úrvalsdeildinni þar í landi og hafði betur.

Mustpha Yatabaré kom Karabükspor yfir á 18. mínútu, en sex mínútum síðar var Daniel Kolar, leikmaður Gaziantepspor, rekinn af velli. Heimamenn í Karabükspor kláruðu svo leikinn á 34. mínútu þegar Abdou Razak Traoré skoraði úr vítaspyrnu.

Það var ekkert mark skoraði í seinni hálfleiknum og lokatölur urðu 2-0 fyrir heimamenn í Karabükspor, sem unnu sinn fyrsta leik eftir fjóra leiki án sigurs.

Ólafur Ingi spilaði allan leikinn, en hann er búinn að koma við sögu í öllum leikjum tyrkneska liðsins á þessu tímabili.

Karabükspor er núna eftir þennan sigur með 17 stig í sjötta sæti.