Stuðningsmenn Celtic hafa farið mikinn á Twitter í morgun eftir að Aron Jóhannsson, framherji AZ Alkmaar, birti mynd af flugvellinum í Glasgow.
Aron hefur af og til verið orðaður við Celtic að undanförnu en í morgun birti hann mynd af flugvellinum í Glasgow og skrifaði: ,,Var að lenda #áhugavert."
Aron er hins vegar ekki á leið til Celtic heldur var hann að millilenda í Glasgow á leið sinni til Dubai.
Þar ætlar Aron að vera yfir áramótin og njóta vetrarfrísins í hollenska boltanum.
Næsti leikur Arons með AZ er ekki fyrr en 18. janúar en þá mætir liðið NAC Breda.
Athugasemdir
