Vefsíðan 90min.com hefur tekið saman topp tíu lista yfir bestu markverði ensku úrvalsdeildarinnar í dag. Hér að neðan má sjá listann í öllu sínu veldi en Chelsea á tvo fulltrúa á honum.
10. Tom Heaton - Burnley: Flestir höfðu afskrifað Burnley strax í byrjun tímabils. Síðan hafa stigin komið í hús en oft hefur munað einu marki. Heaton hefur oft skipt sköpum.
9. Ben Foster - West Bromwich Albion: Í miklu uppáhaldi hjá stuðningsmönnum West Brom og ekki að ástæðulausu.
8. Joe Hart - Manchester City: Hefur átt erfiða kafla undanfarin ár en er enn fullfær um að taka glæsilegar vörslur á mikilvægum tímapunktum.
7. Robert Green - Queens Park Rangers: Hefur haft mikið að gera enda með gatasigti fyrir framan sig.
6. Adrian - West Ham United: Hefur staðið sig afar vel á sínu öðru tímabili síðan hann kom frá Real Betis.
5. Petr Cech - Chelsea: Já varamarkvörður Chelsea er á listanum. Hefur svo sannarlega staðið sig vel þegar liðið hefur þurft á honum að halda á tímabilinu.
4. Fraser Forster - Southampton: Southampton gerði frábæra hluti þegar Fraser Forster var fenginn í markið.
3. Hugo Lloris - Tottenham Hotspur: Frakkinn hefur sýnt mikinn stöðugleika og reynst gulls ígildi í mörgum 2-1 sigrum Tottenham. Þá hefur hann sex sinnum haldið búrinu hreinu.
2. David De Gea - Manchester United: Hefur öðlast meiri líkamsstyrk og verið með sjálfstraustið í botni á tímabilinu.
1. Thibaut Courtois - Chelsea: Markvörður Chelsea og belgíska landsliðsins er aðeins 22 ára og á afar bjarta framtíð. Gæti orðið besti markvörður heims.
Athugasemdir
