Heimild: Football Italia
Beppe Marotta er einn æðsti maður innan ítalska knattspyrnufélagsins Juventus og segir franska miðjumanninn Paul Pogba ekki vera til sölu.
Félög á borð við Real Madrid, Manchester United og Paris Saint-Germain eru talin hafa áhuga á leikmanninum.
Félög á borð við Real Madrid, Manchester United og Paris Saint-Germain eru talin hafa áhuga á leikmanninum.
,,Við setjum ekki neinn verðmiða á Pogba, mögulegir kaupendur verða að gera það sjálfir," sagði Marotta í viðtali við La Gazzetta dello Sport.
,,Við erum ekki í samræðum við neitt félag varðandi félagsskipti Pogba og eins og staðan er núna þá skoðum við ekki einu sinni tilboð í leikmanninn.
,,Ef Pogba verður seldur þá verður hann seldur til hæstbjóðanda, alveg eins og á uppboði."
Marotta segir Pogba vera einn af bestu leikmönnum liðsins og tekur fram að markmið félagsins er að bæta sig á knattspyrnuvellinum, ekki selja sínu bestu menn.
,,Við verðum að bæta leik okkar á hverju ári. Pogba er einn af okkar bestu leikmönnum og við viljum halda liðinu í hæsta gæðaflokki.
,,Okkur hafa ekki borist tilboð í Pogba, sem er í heimsklassa og er eftirsóttur af bestu félögum hnattarins. Við erum ekki að leita að kaupendum."
Athugasemdir