Raiola vildi ekki útiloka það að Zlatan myndi yfirgefa Manchester United að eftir tímabilið þegar samningur svíjans rennur út.

Mikið hefur verið rætt og ritað um framtíð leikmannsins en Zlatan er búinn að vera sjóðheitur fyrir Manchester United upp á síðkastið.

„Ég vil helst forðast það að ræða samningsmál skjólstæðinga minna við fjölmiðla, ég tel að það sé einkamál milli mín, hans og félagsins." sagði Raiola en hann er einning umboðsmaður Paul Pogba og Henrikh Mkhitaryan liðsfélaga Zlatan hjá Manchester United.

„Ég held að við ættum bara að halda því þanning í bili og njóta velgengni hans á þessu tímabili. Við munum sjá hvað gerist á næsta tímabili," sagði Raiola.