Markvörðurinn Hugi Jóhannesson er kominn á láni frá KR. Hugi er fæddur árið 1992 og hefur æft með Ægi í vetur.

Haukur Már Ólafsson er kominn til Ægis. Haukur er 26 ára sóknarmaður sem kemur frá Létti í Breiðholti, þar sem hann hefur verið iðinn við markaskorun undanfarin ár í 3. deildinni.

Marteinn Gauti Andrason hefur gengið til liðs við Ægi. Marteinn er 21 árs miðjumaður sem kemur frá ÍR. Hann lék 9 leiki og skoraði 1 mark með ÍR í 1. deildinni í fyrra.

Þá er miðvörðurinn Ivan Razumovic kominn með leikheimild með Ægi á nýjan leik og Pálmi Þór Ásbergsson kominn aftur til félagsins á lánssamningi frá Selfossi.