Gaupi og Henry Birgir Gunnarsson.
,,Þetta er í fyrsta skipti sem ég heyri þetta hjá íslenska landsliðinu í fótbolta, að liðið eigi að vinna á útivelli," sagði Guðjón Guðmundsson í sjónvarpsþættinum Fótbolta.net á ÍNN í gær.
Þar var til umræðu leikur Íslands og Kasakstan á morgun. Um er að ræða skyldusigur fyrir íslenska liðið.
,,Þetta segir mér það að leikurinn verður erfiðari fyrir leikmennina vegna þess að það gera allir ráð fyrir því að þeir landi þarna þremur stigum."
,,Þjálfarinn, fyrirliðinn og fleiri leikmenn eru búnir að gefa þetta út. Þetta eru erfiðustu leikir sem íþróttamenn fara í, leikir sem liðið á að vinna."
Kristján Guðmundsson hefur ekki áhyggjur af því að væntingarnar muni hafa áhrif á íslenska liðið.
,,Þetta eru þær kröfur sem liðið er farið að setja. Þetta er lið sem er langt fyrir neðan 100. sæti á FIFA-listanum þannig að það á að vinna þennan leik,“ sagði Kristján en Kasakar eru í 138. sæti á heimslista FIFA.
Smelltu hér til að horfa á sjónvarpsþáttinn
Athugasemdir
