Álftanes og Stokkseyri eru tvö af þeim liðum sem verða í eldlínunni á sama tíma og landsleikurinn fer fram.
Ísland mætir Kasakstan í mikilvægum leik í undankeppni EM klukkan 15:00 á morgun en leikurinn verður sýndur beint á RÚV.
Athygli vekur að margir leikir á Íslandi fara fram á sama tíma og landsleikurinn sem þýðir að leikmenn og aðstandendur í þeim leikjum geta ekki horft á landsliðið spila.
Athygli vekur að margir leikir á Íslandi fara fram á sama tíma og landsleikurinn sem þýðir að leikmenn og aðstandendur í þeim leikjum geta ekki horft á landsliðið spila.
Sex leikir fara fram í Lengjubikar karla og kvenna á svipuðum tíma og landsleikurinn. Einhverjir leikir hafa verið færðir en Valur og Þór mætast til að mynda í Lengjubikar karla klukkan 13:00 en ekki 15:00 eins og áætlað hafði verið.
,,Er að spila leik í C-deild Lengjubikarsins kl. 14:00 á morgun. Inni á vellinum verða 22 menn væru frekar til í að horfa á landsleikinn," sagði Arnar Þór Ingólfsson á Twitter í dag en hann spilar með Stokkseyri sem á leik við Vatnaliljurnar klukkan 14:00.
Þá eru einnig leikir í yngri flokkum karla og kvenna á dagskrá á sama tíma og landsleikurinn.
Hér að neðan má sjá leikina í Lengjubikarnum sem eru að einhverjum hluta á sama tíma og landsleikurinn.
Lengjubikar karla - B deild Riðill 2
15:30 Álftanes-KFR (Samsung völlurinn)
Lengjubikar karla - C deild Riðill 2
14:00 Vatnaliljur-Stokkseyri (Fagrilundur)
Lengjubikar karla - C deild Riðill 3
14:00 Árborg-Kormákur/Hvöt (JÁVERK-völlurinn)
Lengjubikar karla - C deild Riðill 5
14:00 Hvíti riddarinn-Elliði (N1-völlurinn Varmá)
Lengjubikar kvenna C deild, riðill 1
15:00 Víkingur Ó.-Grindavík (Akraneshöllin)
Lengjubikar kvenna C deild, riðill 3
14:45 Hamrarnir-Völsungur (Boginn)
Athugasemdir