„Við vorum taktískt mjög góðir og leiðinlegt að hafa ekki skorað fyrst því þá hefði þetta orðið allt annar leikur. Yfir heildina sköpuðu þeir ekki mörg færi," bætti hann við en spilað var á geggjuðu grasi á Levi's vellinum fyrir framan 68 þúsund manns.

„Það var mjög gaman, það eina leiðinlega var að maður gat ekki farið neitt sóknarlega. Þeir stóðu svo hátt uppi kantmennirnir þeirra að maður vildi ekki fara of hátt," sagði Ari.

„Ég held að þetta verði mjög svipað á móti Perú, þetta er mjög gott sóknarlið og með kvika leikmenn en samt taktíkst mjög góðir. Við sáum þá smá í gær á upptöku og þeir litu mjög vel út."

„Þetta verður krefjandi leikur en mjög skemmtilegur. Það er mjög kalt hérna, ég bjóst ekki við þessu en þetta verður skemmtilegt, fullur völlur og þessir stuðningsmenn eru víst mjög heitir svo það verður mjög gaman."

Að lokum rifjaði Ari upp atvik í leiknum gegn Mexíkó um helgina þegar Birki Bjarnasyni lenti saman við einn leikmann þeirra.

„Ég fékk eina góða bratwurst rétt hjá mér þegar Birkir var að ibba sig. Það fór mjög nálægt mér," sagði hann.

Viðtalið við Ara má sjá í sjónvarpinu hér að ofan.