Bournemouth er búið að tryggja sér sæti í ensku úrvalsdeildinni eftir sigur á Eiði Smára Guðjohnsen og félögum í Bolton.

Bournemouth spilaði glæsilega í leiknum og átti Bolton aldrei séns. Eiður Smári kom inn af bekknum á 63. mínútu en gat lítið gert til að stöðva léttleikandi lið heimamanna.

Það er því staðfest að Bournemouth fer upp um deild ásamt Watford og voru stuðningsmenn liðsins kampakátir á leiknum gegn Bolton og sungu meðal annars Match of the Day þemalagið.

Eiður og félagar eru í neðri hluta deildarinnar en eru tíu stigum frá fallsæti og því aðeins einn leikur eftir af tímabilinu hjá þeim, gegn Birmingham.