Daníel Laxdal hampar bikarnum í leikslok.
Stjarnan lagði KR í úrslitaleik Meistarakeppni KSÍ. Þórhallur Kári Knútsson gerði eina mark Íslandsmeistaranna sem lögðu bikarmeistarana og eru því meistarar meistaranna.
KR-ingar voru betri í fyrri hálfleik og komu boltanum í netið en ekkert mark dæmt vegna brots í aðdraganda þess. Stjörnumenn áttu skot í stöng en staðan var markalaus í hálfleik.
Stjörnumenn tóku við sér í síðari hálfleik og eftir að bæði lið fengu góð færi var það Þórhallur Kári Knútsson sem kom boltanum í netið eftir fyrirgjöf frá Heiðari Ægissyni.
KR reyndi að jafna og átti Gunnar Nielsen góða vörslu í marki Stjörnunnar frá Óskari Erni Haukssyni í uppbótartíma, en inn vildi boltinn ekki og Stjarnan er meistari meistaranna í ár.
Stjarnan, meistarar meistaranna 2015.
Athugasemdir
