Hernandez gerði tvö mörk í 4-2 sigri á Celta Vigo í gær en James og Toni Kroos skoruðu hin mörkin.

Hernandez hefur verið að spila vel í undanförnum tveimur leikjum en hann tryggði liðinu í undanúrslit Meistaradeildar Evrópu í síðustu viku og er James afar ánægður með kappann sem er á láni frá Manchester United.

„Chicharito er að gera góða hluti. Hann æfir mjög vel og ég er ánægður fyrir hans hönd," sagði James.

„Hann á þessa velgengni skilið því hann hefur verið mjög þolinmóður," sagði hann að lokum.