„Þriðja sæti að ykkar mati er bara ágætis spá fyrir okkur. Þetta er bara fínt. Mér lýst rosalega vel á þessa deild. Þetta er alltaf svo hrikalega skemmtilegt og gríðarlega krefjandi. Það eru mörg mjög góð lið í þessari deild og í sjálfu sér margir sem gera tilkall til titils."

Margir komu veikir frá Spáni
Það hefur verið smá basl á leikmannahópi Stjörnunnar síðan liðið kom heim úr æfingaferð á Spáni.

„Standið hefur ekki alveg verið nægilega gott og margir sem komu veikir frá Spáni. Það hafa verið lungnabólgur og magakveisur. Það hafa verið eymsli hér og þar og staðan í þessum málum hefði alveg getað verið betri."

Stjarnan lék til að mynda æfingaleik gegn Fjölni í síðustu viku og var aðeins með þrjá varamenn.

„Við spiluðum einum færri síðustu 20 mínúturnar í þeim leik en núna höfum við rúmlega viku til að koma okkur í stand fyrir fyrsta leik," segir Rúnar en viðtalið var tekið á föstudag.

Atli Jó ekki með í fyrsta leik
Stjarnan á leik gegn ÍA næsta sunnudag í fyrstu umferð deildarinnar. Eru einhverjir sem eru tæpir fyrir þennan fyrsta leik?

„Við ættum að vera í ágætis málum. Þorri (Rúnarsson) fékk aftan í læri þarna úti en er að komast af stað. Atli Jóhannsson er meiddur á mjöðm og hann verður ekki með. Michael Præst og Jói Laxdal eru ekki klárir og sama á við um Aron Heiðdal og Kára Pétursson," segir Rúnar.

Í fyrsta sinn sem við spilum svona leik
í kvöld klukkan 19:15 leikur Stjarnan við KR í árlegum leik milli Íslandsmeistara og bikarmeistara. Leikurinn verður í Kórnum í Kópavogi en við spurðum Rúnar að því hvernig hann liti á það verkefni?

„Þetta er mjög skemmtilegur leikur og í fyrsta sinn sem við spilum svona leik. Þetta verður hörkuleikur við gott lið KR-inga. Við reynum að vera eins vel mannaðir og spila eins góðan leik og hægt er. Okkur hlakkar mikið til," segir Rúnar sem býst við skemmtilegu sumri framundan.